“პ–ამინობენზოისმჟავას ეთილის ეთერის კონდენსაციის რეაქცია დიაცეტონმანოზასთან”

ავტორი: თამარ გელოვანი
საკვანძო სიტყვები: #გლიკოზილამინი #დიაცეტომანოზა #ნიტროზირება
ანოტაცია:

ა ნ ო ტ ა ც ი ა თამარ გელოვანი “პ-ამინობენზოის მჟავას ეთილის ეთერის კონდენსაციის რეაქცია დიაცეტონმანოზასთან” ქიმიის დეპარტამენტი, ივ. ჯავახიშვილის სახელობის თბილისის სახელმწიფო უნივერსიტეტი ი.ჭავჭავაძია პრ.3 ნახშირწყლების წარმოებულებს შორის აღმოჩენილია მნიშვნელოვანი რაოდენობის ნაერთები, რომელთაც იყენებენ მედიცინაში როგორც სხვადასხვა დანიშნულების სამკურნალო საშუალებებს. ცნობილი სამკურნალო პრეპარატების ქიმიური მოდიფიკაცია ნახშირწყლების ბაზაზე, წარმოადგენს მნიშვნელოვან პერსპექტიულ მიმართულებას ახალი ბიოლოგიურად აქტიური ნაერთების ძიების მიზნით. საქარიდების მოდიფიცირებულ ნაერთებს ამჟამად ფართოდ იყენებენ მედიცინაში, მაგალითად, ვირუსების და სიმსივნის საწინააღმდეგო ეფექტურ საშუალებებად. ჩვენი სამუშაოს მიზანი იყო ნიტროზოჯგუფს შემცველი N–გლიკოზიდების სინთეზი. 2,3;5,6-დი-O-იზოპროპილიდენ-მანოფურანოზის (1) კონდენსაციით პ-ამინობენზოის მჟავას ეთილის ეთერთან სინთეზირებულ იქნა - N-β-(პ-ამინობენზოის მჟავას ეთილ-ესთერილ)-2,3;5,6-დიაცეტონ-D-მანოფურანოზილამინი (2). მიღებული N–მანოზილამინის ურთიერთქმედებით ნატრიუმის ნიტრიტთან სინთეზირებულია ნიტროზო (N=O) ჯგუფის შემცველი ნაერთი – N-β-N-ნიტროზო-(პ-ამინობენზოის მჟავას ეთილესთერილ)-2,3;5,6–დი–O–იზოპროპილიდენ–D–მანოფურანოზილამინის (3). სინთეზირებულ ნაერთთა აღნაგობა დადგენილ იქნა კვლევის ფიზიკურ ქიმიური მეთოდებით

მიმაგრებული ფაილები:

“პ–ამინობენზოისმჟავას ეთილის ეთერის კონდენსაციის რეაქცია დიაცეტონმანოზასთან” [ka]